Bicherbus

Bicherbus

De Bicherbus, eng Bibliothéik op Rieder, fiert a 15 Wochentier queesch duerch d’Land. Fir d’Bicher an d’Liesen ze promovéieren, zerwéiert hien iwwer 80 lëtzebuergesch Uertschaften. De Bestand vum Bicherbus ëmfaasst iwwer 70.000 Dokumenter, dorënner Bicher, Lauschterbicher an DVDe fir Kanner, Jugendlecher an Erwuessener. D’Dokumenter déngen der Weiderbildung, der Fräizäitlecture an der kultureller Beräicherung.

Gratis Aschreiwung

Fir Iech als Lieser vum Bicherbus anzeschreiwen, fëllt einfach de Formular aus a schéckt dësen entweder un d‘E-Mail-Adress bicherbus@bnl.etat.lu oder gitt en engem Mataarbechter vum Bicherbus of.

Aschreiwungsformular (Pdf, 116 Kb) Aschreiwungsformular (ënner 14 Joer) (Pdf, 121 Kb)

Tier

De Kalenner vum Bicherbus gëtt all Semester publizéiert a passt sech de Besoine vun de Lieser aus de jeeweilege Gemengen un.

Prêten a Retouren

D'Dokumenter aus dem Fong vum Bicherbus kënne mindestens 5 Schaffdeeg am Viraus iwwer a-z.lu reservéiert an dann um gewënschten Arrêt ofgeholl ginn. All Notzer ka bis zu 20 Bicher an aner Dokumenter ausléinen. D'Dauer vum Prêt ass 42 Deeg an 21 Deeg fir Dokumenter, déi zum Zäitpunkt vum Prêt vun engem anere Lieser reservéiert goufen.

Déi ausgeléinten Dokumenter kënnen net nëmmen am Bicherbus, mee och zu all Ament an der automatescher Maschinn baussent dem Gebai vun der Nationalbibliothéik um Kierchbierg zréckgi ginn.

Op a-z.lu sichen

Aktualiséiert