Aschreiwung

D’Aschreiwung fir eng Bibliothéikskaart ass fir all Persoun ab 14 Joer gratis. Bicher mat heem huelen an op digital Ressourcen zougräifen, dierfen allerdéngs just Leit mat Wunnsëtz zu Lëtzebuerg oder an de Grenzregiounen.

Wéi schreiwen ech mech an?

Op der Plaz

Fir Iech als Lieser anzeschreiwen, kommt einfach an de Guichet am Foyer laanscht. Vergiesst net e gültegt Identitéitsdokument matzebréngen!

Jiddereen iwwer 14 Joer kann sech gratis aschreiwen, onofhängeg vum Wunnsëtz oder der Nationalitéit.

Online

Falls Dir e Luxtrust-, eID- oder eIDAS-Produit hutt oder an engem staatlech zougeloossene lëtzebuergesche Bildungsinstitut vum Enseignement secondaire oder supérieur ageschriwwe sidd, kënnt Dir Iech och an e puer Klicks iwwer MyGuichet aschreiwen.

Sech aschreiwen Sech als Student aschreiwen

D’Aschreiwung ass zwee Joer gülteg.

Nodeems dës Period ofgelaf ass, kënnt Dir Är Aschreiwung op der Plaz oder an e puer Klicks iwwer MyGuichet erneieren.

Mat Luxtrust verlängeren Ouni Luxtrust verlängeren

Lieserkont

Bei der Aschreiwung, kritt Dir eng E-Mail déi Iech opfuerdert Äert Passwuert zréckzesetzen. Mir erstellen Iech och e Benotzernumm mat deem Dir Iech um Sichportal a-z.lu alogge kënnt. Dëst erlaabt et Iech zum Beispill an eisem Katalog ze sichen, Dokumenter online ze reservéieren oder Är aktiv Prêten an en Historique ze kucken.

Méi iwwer a-z.lu Sech aloggen