Aschreiwung
Aschreiwung
D’Aschreiwung fir eng Bibliothéikskaart ass fir all Persoun ab 14 Joer gratis. Bicher mat heem huelen an op digital Ressourcen zougräifen, dierfen allerdéngs just Leit mat Wunnsëtz zu Lëtzebuerg oder an de Grenzregiounen.
Wéi schreiwen ech mech an?
Fir vun all eise Servicer profitéieren ze kënnen, braucht Dir eng gülteg Bibliothéikskaart.
Op der Plaz
Fir Iech als Lieser anzeschreiwen, kommt einfach an de Guichet am Foyer laanscht. Vergiesst net e gültegt Identitéitsdokument matzebréngen!
Online
Falls Dir e Luxtrust-, eID- oder eIDAS-Produit hutt oder an engem staatlech zougeloossene lëtzebuergesche Bildungsinstitut vum Enseignement secondaire oder supérieur ageschriwwe sidd, kënnt Dir Iech och an e puer Klicks iwwer MyGuichet aschreiwen.
Wéi verlängeren ech meng Aschreiwung?
D’Gültegkeet vun der Aschreiwung ass op zwee Joer limitéiert. Am Respekt vun der aktueller Gesetzgeebung ginn déi perséinlech Donnéeë vun eise Lieser no Oflaf vun dësem Zäitraum geläscht.
Mäi Lieserkont
Bei der Aschreiwung, kritt Dir eng E-Mail déi Iech opfuerdert Äert Passwuert zréckzesetzen. Mir erstellen Iech och e Benotzernumm mat deem Dir Iech um Sichportal a-z.lu alogge kënnt. Dëst erlaabt et Iech zum Beispill an eisem Katalog ze sichen, Dokumenter online ze reservéieren oder Är aktiv Prêten an en Historique ze kucken.
Aktualiséiert