Visioun

Visioun

Iwwersiicht

Strategesche Kader

Den Aarbechtsprogramm vun der Nationalbibliothéik baséiert op siwe Prinzippien a Wäerter souwéi op néng strategeschen Ziler, déi hir Visioun a konkret Handlungen ëmsetzen.

Prinzippien a Wäerter
  1. Mir encouragéieren de Virwëtz duerch eis Fongen, eis Sammlungen, eis Dokumenter an eis Aktivitéiten a mir fërderen Kreativitéit, Austausch a Reflexioun.
  2. Mir handelen, an all eise Schrëtt, mat Respekt fir eis Benotzer an hir Bedierfnesser, eis Fongen an hir Notzung, eis Donateuren a Beneficiairen, eis Partner an eis Mataarbechter an hir kierperlech a mental Gesondheet.
  3. Eis Aart a Weis ze handelen ass dynamesch a proaktiv, mä si baséiert och op Traditioun a Kontinuitéit.
  4. Mir ënnerstëtzen Ausbildung a Wëssenschaft andeems eis Sammlungen an Dokumenter duerch performant an innovativ Sichmaschinne verfügbar gemaach ginn.
  5. Mir wëllen eist Wëssen, eis Expertise an eis Erfarunge mat eisen nationalen an internationale Partner deelen fir Projeten duerchzeféieren a gemeinsam Praktiken ze verbesseren.
  6. Mir garantéieren e liewenslaangt Léieren andeems mir en einfachen an zouverlässegen Zougang fir näischt op eng grouss Unzuel vun Dokumenter ubidden.
  7. Mir setzen eis an fir d’Wëssen an de kulturelle Patrimoine op eng nohalteg Manéier ze erhalen a féieren d’Open Access-Strategie zu Lëtzebuerg weider.

Strategesch Ziler
  1. Mir proposéieren en einfachen Zougang zu Sammlungen a Servicer an adaptéieren se un nei Bedierfnesser.
  2. Mir digitaliséieren patrimonial Kollektiounen.
  3. Mir entwéckelen, beräicheren, ergänzen, verwalten a konservéieren Manuskripter, gedréckt, digital an audiovisuell Sammlungen.
  4. Mir assuréiere kulturell, pedagogesch a wëssenschaftlech Valorisatioun.
  5. Mir stäerken d’Kultur vun der Unerkennung, der Zesummenaarbecht an der Formatioun.
  6. Mir fërderen den digitalen Transformatiounsprozess vun der BnL.
  7. Mir promouvéieren d’Beruffer an den Informatiounswëssenschaften.
  8. Mir verdéiwen national an international Partnerschaften.
  9. Mir schaffen en Infrastrukturentwécklungsplang aus.

Relevant Theemen

Aktualiséiert den