Inhalt vun der Sammlung

D’Nationalbibliothéik versuergt eng bemierkenswäert Sammlung vu Kënschtlerbicher, bibliophillen an illustréierte Bicher, Portraiten an Drockgrafiken, vun deene vill Eenzelstécker sinn.

D’Sammlung zielt 233 lëtzebuergesch Kënschtlerbicher an ongeféier 1 300 Wierker aus dem Ausland. Dat sinn ënner anerem illustréiert Gedichtbänn, Objetsbicher, Konzeptbicher a Bicher déi vun enger eenzeger Persoun gezeechent, gravéiert a gesat goufen.

Zousätzlech ëmfaasst d’ikonographesch Sammlung ongeféier 3 200 Lëtzebuerger ikonographesch Dokumenter an ongeféier 2 800 Drockgrafiken.

Sichen a consultéieren

Dir kënnt d’Dokumenter aus der ikonographescher Sammlung iwwer den Online-Katalog a-z.lu sichen a reservéieren. Dës seelen a wäertvoll Dokumenter kënne just op der Plaz a mat Rendez-vous am Rara-Liessall Dr Jean-Claude Loutsch consultéiert ginn.