Inhalt vun der Sammlung

Am Kär vun der Musekssammlung vum Cedom sti gedréckten a handgeschriwwe Partiture souwéi Archivfonge vu Komponisten a Kollektivitéiten, déi mat dem musikalesche Liewen an der Museksgeschicht vum Land verbonne sinn. Als zentraalt Museksarchiv vu Lëtzebuerg versuergt de Cedom nieft sengem gesetzlechen Optrag och eng villfälteg Sammlung vun Tounopnamen, dorënner CDen, DVDen, Vinylplacken, Kassetten an Audiobänner.

Ausserdeem ass en Deel vum net-lëtzebuergesche Fong der Musikologie gewidmet. Dës Sammlung ëmfaasst Bicher, Partituren, Zäitschrëften, E-Books, digital Zeitungen an Datebanken, déi international Recherchen erméiglechen.

Sichen a consultéieren

D’Dokumenter vum Cedom a vum net-lëtzebuergesche Museksbestand kënnt Dir online iwwer a-z.lu virbestellen an entweder ausléinen oder op der Plaz consultéieren.

Seelen a wäertvoll Bestänn vum Cedom (Archivfongen, Placken oder Audiokassetten) kënnen net mat heem geholl ginn. Dir kënnt se awer iwwer a-z.lu oder op schrëftlech Ufro reservéieren an am Rara-Liessall consultéieren.