Musekssammlung vum Cedom
Musekssammlung vum Cedom
Säit hiren Originne sammelt a konservéiert d’Nationalbibliothéik musikalesch Dokumenter. De Centre d’études et de documentation musicales (Cedom), dee 1989 gegrënnt gouf, huet d’Aufgab den handgeschriwwenen a gedréckte Musekspatrimoine vu Lëtzebuerg ze sammelen, ze konservéieren an zougänglech ze maachen. Am Zentrum vun der Musekssammlung vum Cedom sti gedréckten an handgeschriwwene Partiture souwéi d’Archivfonge vu Komponisten a Kollektivitéiten, déi mam Museksliewen an der Museksgeschicht vum Land a Verbindung stinn. Zousätzlech zu senger gesetzlecher Missioun huet de Cedom och eng Sammlung vun Tounopnamen – CDen, DVDen, Schallplacken, Tounbänner a -kassetten – a fungéiert esou als zentraalt Museksarchiv zu Lëtzebuerg. En Deel vum net-lëtzebuergesche Fong ass der Musek gewidmet an enthält Bicher, Nouten, Zäitschrëften, E-Books, digital Zeitungen an Datebanken.
Digital Ressourcen
D’Nationalbibliothéik bitt Iech ëmmer méi digital Dokumenter un.
Prêt a Consultatioun
D’Dokumenter vum Cedom a vum net-lëtzebuergesche Museksbestand kënnt Dir online iwwer a-z.lu virbestellen an entweder ausléinen oder op der Plaz consultéieren.
Seelen a wäertvoll Bestänn vum Cedom (handgeschriwwe Partituren, Placken an Audiokassetten oder Dokumenter aus de Komponisten-Archiven) kënnen net mat heem geholl ginn. Dir kënnt se awer iwwer a-z.lu oder op schrëftlech Ufro reservéieren an am Rara-Liessall um 1. Stack consultéieren.
Didaktesch Hefter
D’didaktesch Hefter De Litty sollen den Enseignanten déi noutwenneg Informatiounen a Materialie liwweren, fir de Kanner a Jugendlechen dat kulturellt Liewe vu Lëtzebuerg méi no ze bréngen.
Dokumenter ënnert der Lupp
Eis Mataarbechter maachen Iech op verschidden Dokumenter aus eise Fongen virwëtzeg.
-
Der hundertjährige Musiker
Zum 50. Todesjahr von Pol Albrecht (1874–1975)Der naturverbundene Pol Albrecht brach sich regelmäßig bei Spaziergängen dünne Ästchen von Sträuchern ab, an derem unteren Ende er einen Korken befestigte, um sie als Taktstock zu verwenden. Herkömmliche Taktstöcke empfand er als zu gewichtig.
-
Zum 50. Todesjahr von Peter Faber, Freund und Wegbegleiter von Poutty Stein
Erinnerung an den vielseitig begabten ‚Fabesch Péiter‘, der als Schriftsteller, Komponist, Musiker, Musikkritiker und Sprachforscher die luxemburgische Kulturszene mitgeprägt hatPeter Faber, dessen Pseudonym Moltonaso wohl auf seine etwas auffällig geratene Nase zurückgeht, ist eine vielseitig interessierte Persönlichkeit, verkehrt in unterschiedlichsten Kreisen und zeichnet sich durch Geselligkeit und Lebenslust aus.
-
Zwischen Musik, politischem Engagement und Multipler Sklerose
Zum 100. Geburtstag von Victor FenigsteinObwohl Victor Fenigstein mit einem vielseitigen und in Luxemburg prägenden musikalischen Schaffen aufwarten kann, scheint er mit der Zeit ein wenig in Vergessenheit geraten zu sein.
Noriichten
Entdeckt Aktuelles aus der Musekssammlung vum Cedom.
-
Besicht d’Ausstellung a virtueller Realitéit!
Dir kënnt eis Ausstellung „Pierre Nimax Sen.“ elo och an der virtueller Realitéit erliewen. Entdeckt d’Dokumenter an d’Exponaten, ouni datt Dir dofir laanscht komme musst.
-
D’Museksarchiv vum Alphonse Foos ass elo iwwer a-z.lu zougänglech
De Cedom huet viru kjuerzem d’Museksarchiv vum Alphonse Foos um Portal a-z.lu verëffentlecht. Et handelt sech ëm dat éischt Archiv vum Cedom, dat nom RNAB-Standard katalogiséiert gouf.
-
De Cedom publizéiert 6 weider Inventairë vu Museksarchiven op a-z.lu
No der éischter Publikatioun vun Inventairë vu Museksarchiven am November 2023 huet de Cedom dës Offer elo mat den Inventairë vun de Museksarchiven vum Théodore Decker, Peter Faber, Victor Goldschmit, Alfred Kowalsky, René Mertzig a Paul Sontag erweidert.
Aktualiséiert den