D’BnL huet an Zesummenaarbecht mam Zentrum fir staatlech Informatiounstechnologie an dem Nationalarchiv eng gemeinsam Plattform zur laangfristeger digitaler Erhalung ageriicht. Digital entstane Publikatiounen (E-Books, E-Journals, Websites usw.)  ginn op des Plattform iwwerdroen, déi hir optimal Sécherheet erméiglecht: Etlech Kopië ginn op verschidde Plazen (fir e Verloscht ze vermeiden) a Medie gespäichert. Domat soll garantéiert ginn, dass se an der Zukunft a bei technologesche Verännerunge léisbar bleiwen.

D’intellektuell Produktioun vu Lëtzebuerg gëtt net méi nëmmen op gedréckte Medie publizéiert, mee et entstoen ëmmer méi Dokumenter an digitaler Form, déi entweder um Internet fräi zougänglech sinn oder fir déi een op Online-Portaler bezuelen muss. Dës Wierker sinn aktuell an awer och zukünfteg interessant, dofir sammelt d’BnL se am Kader vum digitalen Dépôt legal.

Wat den Dépôt vun Dages- oder Wochenzeitungen ugeet, verhandelt d’BnL den Ament mat Lëtzebuerger Editeuren, Staats- an Gemengen Administratioune fir d’Sammlung vun de Publikatioune mat hire Metadonnéeën ze automatiséieren an de Lieser zur Verfügung ze stellen.

D’BnL digitaliséiert d’Dokumenter aus dem lëtzebuergesche Fong. Hire Massen­digitaliséierungs­­programm ass verbonne mat den Ziler vun der Europäescher Unioun fir de kulturellen an intellektuelle Patrimoine vun Europa online zougänglech ze maachen. D’Massennumerisatioun mécht Inhalter méi zougänglech a garantéiert eng optimal Erhalung vun den Originaler, déi duerch Alter an/oder heefeger Benotzung geschwächt goufen.

D’Zeitungen, Zäitschrëften, Plakater, Postkaarten, Manuskripter a Monographien, déi vun der BnL digitaliséiert ginn, sinn all online iwwer iwwer eluxemburgensia.lu ou a-z.lu zougänglech.

Am Kader vun den Digitaliséierungsprojeten erstellt d’BnL souwäit wéi méiglech Biller a Metadonnéeën a METS/ALTO Format. De METS-Format erlaabt d'Modelléierung an d’Sich an der logescher Struktur vun der Aarbecht (Säiten, Artikelen, asw.) an d’Gestioun vun technesche Metadonnéeën, wat d’laangfristeg Erhalung erliichtert.

Metadonnéeën an ALTO Format anzegi mécht et méiglech de Layout vun all Editioun oder Buch ze beschreiwen an dann de ganzen Text mat OCR (Optical Character Recognition) Donnéeën ze sichen. D’Kombinatioun vu METS an ALTO Metadonnéeën erméiglecht eng geziilte Sich an eng Referenz op d’Textberäicher.

Zu de gesetzlechen Aufgabe vun der BnL a senger Kapazitéit als national Dokumentatiouns­plattform gehéiert Enthalung an d’Verwaltung vun eenzegaartegen Identifikatioune fir Publikatioune vun all Typ a Formater. D’BnL ass déi national Agence fir ISBN, ISSN, ISMN, ISNI, Identifikatiounen déi am analoge Kontext entstane sinn, awer elo och fir digital Publikatioune benotzt ginn.

Als Deel vun der digitaler Erhalung huet d’Nationalbibliothéik e System vu persistent Identifikatiounen op Basis vum ARK System etabléiert. Vun der California Digital Library entwéckelt fir d’Halbarkeet an d'Internationalitéit vun den Identifikatiounen an der digitaler Welt ze garantéieren. ARK identifizéiert permanent Objete vun all Zort, ob digital (gescannt Zeitung, E-Book etc.), immateriellt (Konzepter) oder kierperlech (Bicher, Zeitung, DVD etc.).

Wéi déi aner Nationalbibliothéike sammelt a konservéiert d’BnL all Websäite mam Domän „.lu“ an aner Websäite déi vun Lëtzebuerger geréiert ginn. An Zesummenaarbecht mam Internet Archive organiséiert d'BnL regelméisseg extensiv Webharvesting-Campagnen an och geziilt Sammlungen zu spezifeschen Themen. D’Informatiounen iwwer den Webarchiv, d’Sammlungspolitik an eis thematesch Kollektioune fannt Dir op eiser Informatiounsplattform webarchive.lu.

Aus Urheberrechtsgrënn kënnen déi archivéiert Websäite nëmmen an der Nationalbibliothéik consultéiert ginn.

Den Zougang zu Informatioun ze erliichteren heescht net nëmmen, e Sichportal opzebauen an digital Ressourcen online ze setzen, mee erfuerdert och d’Bereetstellung vu qualitativ héichwäerteg Donnéeën a modernsten Technologien, déi un déi nei Bedierfnesser vun Entwéckler a Fuerscher ugepasst ginn.

Dofir verëffentlecht d’BnL hir Donnéeën a mécht se iwwer d’Websäit data.bnl.lu zougänglech. Dës Donnéeën hëllefen der Fuerschung, erhéichen d'Transparenz vun den ëffentlechen Daten a motivéiert d’Bierger aktiv un der Verbreedung vum Wëssen deelzehuelen. D’Bierger si fräi fir nei Uwendungen z’entwéckelen, se ze beräicheren oder se mat aner Informatiounsquellen ze verbannen.

D’BnL bitt och e puer Applikatiounsprogramméierungsinterfacen (APIs) a verschidde Webservicer un, déi et erlaben Metadonnéeën aus dem BnL Katalog ze froen an ze recuperéieren, Aufgaben ze automatiséieren an nei Uwendungen ze schafen.

D’Dateseten vun der BnL sinn och iwwer de Portal data.public.lu vun der Lëtzebuerger Regierung zougänglech, an deem d’BnL Partner ass.

Zënter 2021 baséiert sech déi bibliographesch Beschreiwung vun Dokumenter um internationale Standard RDA (Resource, Description and Access) an dem MARC21 Format.

D’Katalogiséierungsregele goufen un d’Bedierfnesser vum Bibnet.lu-Réseau ugepasst, a sinn en onverzichtbar Basisinstrument fir den Input vun Donnéeën an de gemeinsame Katalog vum Lëtzebuerger Bibliothéiksréseau.

Säit 2022 baséiert d’Indexéierung vun Themen am bibnet.lu Reseau op dem „Répertoire d’autorité-matière encyclopédique et alphabétique unifié“ (RAMEAU), dat den „Répertoire de Vedettes-Matière“ (RVM) ersetzt, deen tëscht 1985 an 2022 benotzt ginn ass.

RAMEAU ass eng Indexéierungssprooch, déi et erméiglech, de Sujet vun engem Dokument duerch eng Analys vu sengem Contenu ze beschreiwen. D’Notzer kënnen dann iwwer eng thematesch Sich op déi indexéiert Dokumenter zougräifen.

D’RAMEAU-Sprooch gëtt vum Centre national RAMEAU geréiert, deen zum Département de l’information bibliographique et numérique vun der Nationalbibliothéik Frankräich gehéiert.

Systematesch Indexéierung baséiert op der Dewey Dezimal Klassifikatioun (DDK). D’Bicher, déi am BnL-Liessall fräi zougänglech sinn, ginn och no der Dewey-Klassifikatioun kategoriséiert.

D’BnL geréiert d’Lëtzebuerger Autoritéitsdaten am Katalog vum bibnet.lu Réseau. Fir d’Opstellung vun Net-Lëtzebuerger Persounen a Gesellschaftsorganer, ginn auslännesch Verzeechneser konsultéiert a benotzt.

De Projet LiDA (Open Linked Data) vun der BnL huet et erméiglecht, déi standardiséiert Autoritéitsdonnéeën vun de lëtzebuerger Auteuren am VIAF ze weisen, andeems d’bibliographesch Referenze vun den Auteure vum Katalog a-z.lu mat den Online-Daten vum Dictionnaire des auteurs luxembourgeois vum Centre national de littérature fusionéiert goufen.

No der Ënnerschrëft vun engem Partnerschaftsofkommes mat VIAF (Virtual International Authority File), e Service fir web-baséiert Aggregatioun a Clustering vun Autoritéitsdonnéeën aus nationalen Bibliothéike weltwäit, huet d’BnL seng Prozesser iwwerschafft fir perséinlech Autoritéitsdonnéeën ze schafen an ze strukturéieren an nei international Standarden an der Linn mat den Empfehlungen vun der International Association of Library Associations and Institutions (IFLA) ëmgesat. D’BnL schéckt regelméisseg seng validéiert Persoun- an Entitéitsautoritéitsdonnéeën an assoziéiert bibliographesch Daten un d’VIAF, wou dës Donnéeën dann vun anere Bibliothéike kënne benotzt ginn.

Als Registréierungsagentur huet d’BnL ISNI Identifikatioren (International Standard Name Identifier) ​​fir seng Autoritéitsdaten zënter 2018 erausginn. Den ISNI ass en internationale Standardcode fir Individuen an Entitéiten z'identifizéieren, déi an der Schafung an der Verdeelung vum intellektuellen Inhalt engagéiert sinn. Et gëtt am ISO 27729 Standard spezifizéiert. D’ISNI beweist besonnesch nëtzlech fir z’ënnerscheeden tëscht Homonyme.