Sichen a consultéieren

Um Portal vun der Nationalbibliographie kënnt Dir d’Referenzen no Theemen entdecken oder geziilt no Titel, Auteur, Thema, Publikatiounsjoer oder Stéchwierder sichen. De Portal erlaabt et Iech och, Dokumenter ze reservéieren, entweder fir de Prêt oder fir d’Consultatioun am Liessall.

Ëmfang vun der Erfaassung

D’Nationalbibliografie erfaasst Publikatiounen, déi zu Lëtzebuerg publizéiert goufen an och déi, déi am Ausland eraus koumen an de Grand-Duché, seng Staatsbierger oder seng Awunner betreffen. Och berücksichtegt gi Publikatioune vu Lëtzebuerger Auteuren a vun Auteuren déi eng Verbindung mam Grand-Duché hunn.

Bestëmmten Dokumenter ginn net berücksichtegt, notamment:

• Reklammematerial ouni dokumentaresche Wäert;
• Programmhefter vu Veranstaltungen ouni substantiellen Inhalt;
• Wierker vu flüchtegem Wäert (Telefonsbicher, Stonnepläng, Präislëschten, asw.);
• Postkaarten;
• Publikatioune vun Institutioune vun der Europäescher Unioun, wann se net spezifesch Lëtzebuerg betreffen.