Liessall

Liessall

De Liessall ass d’Häerzstéck vun der Bibliothéik. Op dräi Stäck fannt Dir 200.000 Dokumenter aus alle Wëssensberäicher, déi Iech am Fräihandberäich zur Verfügung stinn. Dës Dokumenter dierft Dir selwer aus de Regaler huelen, consultéieren an ausléinen.

Iwwersiicht vun de Stäck

  1. Rez-de-chaussée

    • Prêt- an Informatiounsguicheten
    • Aarbechtsdëscher a Fotellen
    • Schallisoléiert Telefonskabinnen
    • Espace découverte
    • Kopéierraum am Sous-sol

  2. Éischte Stack

    • Rara-Liessall
    • Aarbechtsdëscher
    • Carrelen

  3. Zweete Stack

    • Informationsguichet
    • Mediathéik
    • Aarbechtsdëscher a Fotellen
    • Carrelen, Audiokabinnen a Museksraum
    • Schallisoléiert Telefonskabinnen
    • Kopéierraum

  4. Drëtte Stack

    • Informatiounsguichet
    • Aarbechtsdëscher a Fotellen
    • Carrelen
    • Salle familiale
    • Schallisoléiert Telefonskabinnen
    • Kopéierraum
    • Toiletten
    • Waasserspender

E Raum fir jiddereen

  • Rou am Raum

    Loosst eis respektvoll mateneen ëmgoen a Kaméidi op e Minimum reduzéieren.

  • Grouss Géigestänn

    Fir eis Fongen zu schützen, sinn Poschen a Mäntel am Liessall net erlaabt. Gratis Casiere stinn Iech zur Verfügung.

  • Iessen a Gedrénks

    Iessen an Drénken ass am Liessall verbueden. Kleng, duerchsiichteg Waasserfläche sinn awer erlaabt.

Thematesch Klassifikatioun

De Liessall ass no der Dewey-Dezimalklassifikatioun sortéiert, déi haut vu ville Bibliothéike ronderëm d’Welt benotzt gëtt an all d’Wëssen an zéng Haaptkategorien ënnerdeelt, déi duerch Zuelen duergestallt ginn.

000 Informatik a Buchwëssenschaften

Am Beräich 000 um 3. Stack fannt Dir Bicher iwwer folgend Disziplinnen: Informatik, Informatiounswëssenschaft, Medien, Bibliothéikswiesen an allgemeng Enzyklopedien.

100 Philosophie a Psychologie

De Beräich 100 um 3. Stack ëmfaasst Wierker aus dem Beräich Philosophie, vun der Antikitéit bis haut. Hei fannt Dir ënner anerem d’Themen Metaphysik, Logik an Ethik. D’Psychologie gehéiert och zu der Dewey-Klass 100. D‘Psychiatrie, déi mam Gebitt vun der Medezin verbonnen ass, gëtt dogéint am Beräich 600 referenzéiert.

200 Relioun

Am Beräich 200 um 3. Stack fannt Dir Bicher iwwer Reliounen a Publikatiounen iwwer Reliounstheorie a -geschicht.

300 Sozialwëssenschaften

Um 3. Stack sinn d’Sozialwëssenschafte referenzéiert no de verschiddenen Disziplinne wéi Soziologie an Anthropologie, politesch Wëssenschaften, Statistik, Ekonomie oder Droit. D’Pedagogik gehéiert och zu dësem Beräich.

400 Sproochen

De Beräich 400 ass um 3. Stack. Hei fannt Dir Bicher an Zäitschrëften iwwer Sproochen a Linguistik.

500 Wëssenschaften a Mathematik

Am 3. Stack sinn d’Wëssenschaften no verschiddenen Disziplinnen, wéi Mathematik, Astronomie, Physik, Chimie, Naturwëssenschaften oder Biologie an Zoologie, opgestallt. Bicher iwwer Psychiatrie, Chirurgie oder Pathologie fënnt een am Beräich 600 (Technologien).

600 Technologien

Am Beräich 600 um 3. Stack sinn déi ugewannte Wëssenschaften ze fannen. En enthält d’Themegebidder Medezin, Ingenieurswiesen, Landwirtschaft, Gestioun, Chemieingenieurswiesen, Metallurgie a Biotechnologie, Bauwiesen an och Hauswirtschaft mat der Ënnerkategorie Kachkonscht.

700 Konscht, Fräizäit an Erhuelung

Um 2. Stack fannt Dir an dësem Beräich Publikatiounen iwwer Molerei, Musek, duerstellend Konscht, Fotografie, Grafik an Dekoratiounskonscht, souwéi Architektur an Urbanismus. Um Rez-de-Chaussée fannt Dir och an der Dewey Klass 700 Bicher iwwer Sport a Fräizäit.

800 Literatur a Rethorik

Dëse Beräich läit um 3. Stack nieft der 400 Sproochen-Sektioun. Hei fannt Dir ënner anerem Wierker aus der englescher, franséischer, lëtzebuergescher an däitscher Literatur.

900 Geschicht a Geographie

Dëse Beräich ass um 3. Stack. D’Geographiesektioun gëtt no Kontinent an dann no Land referenzéiert, Lëtzebuerg fannt Dir ënnert der Kategorie 914.9. An der Rubrik Geschicht fannt Dir Wierker iwwer Genealogie, allgemeng Biographien,Publikatiounen iwwert d’Geschicht vun der Antik a vum Mëttelalter bis haut.

Bicher iwwert d’Lëtzebuerger Geschicht fannt Dir an der Kategorie 949. 

Aktualiséiert den