Dépôt légal

Dépôt légal

D’Nationalbibliothéik ass eng Archivbibliothéik an huet de gesetzlechen Optrag, all d’Publikatiounen am Zesummenhang mat Lëtzebuerg am lëtzebuergesche Fong ze konservéieren an zougänglech ze maachen. D’Auteuren, d’Editeuren oder d’Dréckereie musse Flichtexemplairë vun all de Publikatiounen, déi zu Lëtzebuerg gedréckt oder digital publizéiert ginn, ofginn. Den Dépôt légal gëllt net just fir Bicher an Zäitschrëften, mä och fir Plakater, Postkaarten, Gemengeblieder, Partituren, etc. Dokumenter, déi iwwert den Dépôt légal erakommen, gehéieren zum lëtzebuergesche Fong.

Gedréckte Publikatiounen

All Publikatioun, déi zu Lëtzebuerg erauskënnt, muss an der Nationalbibliothéik hannerluecht ginn.

Fëllt de Formulaire fir den Dépôt légal online op MyGuichet aus.

Dir kënnt Är Flichtexemplairen am Accueil vun der Nationalbibliothéik ofginn (kleng Quantitéiten) oder se per Post schécken. Dir kënnt se och tëscht 8.30 a 16.30 beim Service Courrier (Hannerhaff vun der BnL, rue Albert Borschette) ofliwweren. D’Zuel vun den Exemplairen, déi mussen hannerluecht ginn, hänkt vun der Zort vun Dokument of.

De Formulaire ausfëllen

Wéi vill Exemplairen muss een ofginn?

4 Exemplairen:

  • Broschüren
  • Bicher

3 Exemplairen:

  • Périodiquen

2 Exemplairen:

  • Affichen
  • Kalenneren
  • Illustréiert Postkaarten
  • Geografesch Kaarten
  • Choreografien
  • Museksartituren
  • Pläng
  • Digital Publikatiounen déi erausgedréckt goufen
  • Programmhefter vun Opféierungen an aner Manifestatiounen
  • Reeditioune vu Bicher mat ortografeschen oder typografeschen Ännerungen

1 Exemplaire:

  • Iconografesch Dokumenter
    (Estampen, Gravuren, ...)
  • Publikatiounen a Brailleschrëft
  • Publikatiounen, déi méi wéi 200 € kaschten
  • Publikatioune mat engem Tirage vu manner ewéi 200 Exemplairen

Digital Publikatiounen

D’Nationalbibliothéik schafft un engem System fir den Dépôt légal online ze maachen, esouwuel fir gedréckten Dokumenter, ewéi och fir digital Publikatiounen.

Am Moment kënnen Editeuren a Content Creators digital Dokumenter (E-Books, Zeitungen, Broschüren, Artikelen, Affichen...) per E-Mail eraschécken.

Aktualiséiert den