Dépôt légal

Dépôt légal

Demarche

En Dépôt légal maachen

Dir kënnt d’Exemplairen an der Rezeptioun (a klenge Quantitéiten) ofginn, per Post schécken oder beim Courrierservice op der Récksäit vum Gebai (rue Albert Borschette) tëscht 8.30 an 16.30 Auer deposéieren.

E System fir d’Online-Areechung vu gedréckten an digitale Publikatiounen ass amgaang entwéckelt ze ginn. Bis dohinner kënnen digital Dokumenter (E-Books, Zeitungen, Broschüren, Artikelen, Affichen, asw.) per E-Mail verschéckt ginn.

Nodeems d’Publikatiounen ofgi goufen, ginn se an de Besëtz vun der Nationalbibliothéik iwwer, déi se der Ëffentlechkeet zougänglech maache kann.

Eng Deklaratioun fir den Dépôt légal mat MyGuichet maachen

Unzuel un Exemplaren, déi deposéiert musse ginn

  1. 4 Exemplaren

    • Broschüren
    • Bicher

  2. 3 Exemplaren

    • Périodiquen

  3. 2 Exemplaren

    • Affichen
    • Kalenneren
    • Illustréiert Postkaarten
    • Geografesch Kaarten
    • Choreografien
    • Musekspartituren
    • Pläng
    • Digital Publikatiounen, déi erausgedréckt goufen
    • Programmhefter vun Opféierungen an aneren Manifestatiounen
    • Reeditioune vu Bicher mat ortografeschen oder typografeschen Ännerungen

  4. 1 Exemplar

    • Iconografesch Dokumenter (Estampen, Gravuren, ...)
    • Publikatiounen a Brailleschrëft
    • Publikatiounen, déi méi wéi 200 € kaschten
    • Publikatioune mat engem Tirage vu manner ewéi 200 Exemplairen

Relevant Theemen

Oft gestallte Froen

Mussen Affichen, Deplianten oder Kalenneren och deposéiert ginn?

Jo. D’Obligatioun vum Dépôt légal bei der Nationalbibliothéik betrëfft net nëmme Bicher an Zäitschrëften, mee och Affichen, Postkaarten, Deplianten, Nouteblieder, grafesch Wierker, Kalenneren an aner Zorte vu Publikatiounen.

Ech hunn e Buch am Selbstverlag publizéiert (Print-on-Demand). Wat muss ech maachen?

Wann Dir e Wierk selwer publizéiert, musst Dir de Dépôt légal selwer maachen. Dat gëllt an dëse Fäll:

  • Dir wunnt zu Lëtzebuerg,
  • Dir wunnt am Ausland, mee Är Publikatioun gouf zu Lëtzebuerg produzéiert.

Muss ech och en Exemplar beim Lëtzebuerger Literaturarchiv ofginn?

Nee. Een Exemplar vu Wierker (Bicher a Broschüren) iwwer d’lëtzebuergesch Sprooch a Literatur gëtt vun der Nationalbibliothéik un de Centre national de littérature weidergeleet.

Aktualiséiert den