Fongen

Fongen

• Lëtzebuergesche Fong

  Am lëtzebuergesche Fong fannt Dir all déi no 1800 zu Lëtzebuerg gedréckten oder digital Publikatiounen, grad wéi Wierker, déi am Ausland eraus koumen an en Zesummenhang mam Groussherzogtum hunn.

• Net-lëtzebuergesche Fong

  Den net-lëtzebuergesche Fong mécht ronn dräi Véierel vun den Titele vun de gedréckte Sammlunge vun der Nationalbibliothéik aus an en deckt all Wëssensberäicher of.

• Sammlung vu raren a wäertvolle Bicher

  D’Sammlung vu raren a wäertvolle Bicher enthält e puer dausend Bicher, déi opgrond vun hirer Seelenheet, hirem Inhalt oder hirer Hierkonft bemierkenswäert sinn.

• Manuskriptesammlung

  An der Manuskriptesammlung conservéiert d’BnL vollstänneg erhale mëttelalterlech Handschrëften (vum 7. Jh bis 1638), fragmentaresch erhale mëttelalterlech Handschrëfte, grad ewéi Handschrëften, déi als Annex vu gedréckte Bicher iwwerliwwert sinn.

• Musekssammlung vum Cedom

  De Centre d’études et de documentation musicales (Cedom), dee 1989 gegrënnt gouf, huet d’Aufgab den handgeschriwwenen a gedréckte Musekspatrimoine vu Lëtzebuerg ze sammelen, ze konservéieren an zougänglech ze maachen.

• Plakat- a Postkaartesammlung

  An der Plakat- a Postkaartesammlung fannt Dir al an zäitgenëssesch Plakater a Postkaarten aus Lëtzebuerg.

• Ikonographesch Sammlung

  D’Nationalbibliothéik huet eng bemierkenswäert Sammlung vu Kënschtlerbicher, bibliophilen an illustréierte Bicher, Portraiten an Drockgrafiken, vun deene vill Eenzelstécker sinn.

• Sammlung vu Kaarten, Pläng, Atlassen a Vuen

  D’Sammlung vu Kaarten, Pläng, Atlassen a Vuen ëmfaasst zirka 6.900 Dokumenter.

• Sammlung iwwer d’Lëtzebuerger Bibliothéikslandschaft a Buchgeschicht

  D’Sammlung befaasst sech haaptsächlech mat der geschichtlecher Rekonstruktioun vun der Lëtzebuerger Bibliothéikslandschaft a Buchgeschicht.

• Ephemerasammlung

  D’Ephemerasammlung ëmfaasst gedréckten Dokumenter aus dem deegleche Gebrauch.