Prêt a Consultatioun
Prêt a Consultatioun
D’Nationalbibliothéik huet méi wéi 1,8 Millioune gedréckten Dokumenter déi all Wëssensberäicher ofdecken. Eis Ressource sinn entweder fir de Prêt, fir d’Consultatioun am Liessall oder online verfügbar.
Prêt
De Prêt an den Zougang zu digitale Ressourcen si fir Lieser reservéiert, déi mindestens 14 Joer hunn an déi zu Lëtzebuerg oder an den Nopeschregioune wunnen.
Modalitéiten
Dir kënnt bis zu 35 Dokumenter gläichzäiteg fir eng Dauer vun 28 Deeg ausléinen. Wann dat ausgeléinten Dokument net vun engem anere Lieser reservéiert ass, kënnt Dir Äre Prêt iwwer a-z.lu oder am Guichet verlängeren.
Dokumenter am Liessall
Am Liessall hutt Dir gratis Zougang zu méi wéi 200.000 Dokumenter, déi all Wëssensberäicher ofdecken. Dir kënnt se aus de Regaler huelen, consultéieren an ausléinen. Dokumenter, déi am Liessall fräi zougänglech sinn, kënnen net online iwwer a-z.lu reservéiert ginn. Automatesch Prêt-/Retourmaschinne stinn op all Stack verfügbar. Si erlaben Iech Äere Prêt selwer ze registréieren.
Dokumenter an de Magaséngen
Nieft den Dokumenter, déi direkt am Liessall accessibel sinn, huet d’Nationalbibliothéik och eng grouss Sammlung an de Magaséngen. Dës Publikatioune kënnen iwwer d’Sichmaschinn a-z.lu gesicht a reservéiert ginn. Dir musst Iech identifizéiert hunn, ier Dir Äert Dokument reservéiere kënnt.
D’Reservatioune si meeschtens bannent 2 Stonnen no der Bestellung disponibel. Dir kritt eng E-Mail geschéckt, esou bal si am Guichet vum Prêt (wärend den Ëffnungszäiten) prett fir ofzehuele sinn. Reservatioune gi fir 7 Deeg op d’Säit gesat; dono ginn se zréck an d’Magaséngen.
Verschidden Dokumenter kënnen no viregter Reservatioun och un der automatescher Ofhuelstatioun um Parvis vun der Bibliothéik ofgeholl ginn.
Prêt international
Iwwer de Service vum Prêt international kënnt Dir Fotokopië vun Zeitungsartikelen oder Bicher an Dissertatiounen aus auslännesche Bibliothéike bestellen. Ier Dir eppes iwwer de Prêt international bestellt, kuckt wgl. virdrun op a-z.lu, ob dat gewënschten Dokument net an der BnL oder an enger vun de Bibliothéike vum bibnet.lu-Reseau verfügbar ass.
Consultatioun am Liessall
Aus konservatoresche Grënn kënne verschidden Dokumenter net ausgeléint ginn. Si kënnnen awer op der Plaz consultéiert ginn.
Dokumenter am Liessall
All d’Dokumenter aus dem Liessall kënnen och ouni Bibliothéikskaart op der Plaz gekuckt ginn. Verschidden Dokumenter si vum Prêt ausgeschloss. Si hunn eng wäiss Etikett mat engem roude Balken.
Seelen oder wäertvoll Dokumenter
Seelen oder wäertvoll Dokumenter aus de Spezialsammlunge vun der BnL kënnen net mat heem geholl ginn. Dir kënnt se awer iwwer a-z.lu oder op schrëftlech Ufro bei de jeeweilegen Departementer reservéieren an an eisem Rara-Liessall um 1. Stack consultéieren. Ee vun eise Mataarbechter kann Iech beim richtegen Ëmgang mat dëse wäertvollen Dokumenter behëlleflech sinn.
Mikroformen
D’Nationalbibliothéik huet Apparater fir d’Consultatioun vu Mikroformen, z.Bsp. vu mikrofilméierten Zeitungen oder Bicher op Mikrofichen. Dir musst Är Mikrofilmer iwwer a-z.lu reservéieren an se am Guichet vum Prêt ofhuelen. Zeitungen, déi op Mikrofilm verfügbar sinn, kënnen net méi am gedréckte Format ausgeléint ginn. Ee Mataarbechter vun der BnL kann Iech bei de Prozeduren hëllefen.
RetourEn
Et gi verschidde Méiglechkeete fir Dokumenter zeréckzeginn. Fir e Buch zeréckzeginn, kënnt Dir et am Guichet vum Prêt ofginn.
Alternativ kënnt Dir Är Dokumenter an engem vun eisen automatesche Prêt-/Retourmaschinnen zeréckginn. Dës fannt Dir op all Stack vum Liessall. Fir en Dokument zeréckzeginn, musst Dir et einfach op d’Plack leeën an op „Rückgabe“/„Retour“ drécken. Leet duerno d’Dokumenter an d’Rullregal oder an d’Këscht, déi niewendru steet. Stellt d’Dokument wgl. net selwer an d’Regal zréck.
Och bausse vum Gebai gëtt et eng Klapp vun der Bicher-Retourmaschinn. Dir kënnt Bicher deemno och dann zeréckginn, wann d’Bibliothéik zou ass.
Aktualiséiert den