Prêt international

Prêt international

Iwwer de Service vum Prêt international kënnt Dir Fotokopië vun
Zeitungsartikelen oder Bicher an Dissertatiounen aus auslännesche Bibliothéike bestellen. Ier Dir eppes iwwer de Prêt international bestellt, kuckt wgl. virdrun op a-z.lu, ob dat gewënschten Dokument net an der BnL oder an enger vun de Bibliothéike vum bibnet.lu-Reseau verfügbar ass.

Modalitéite vum Prêt international

Dauer

D’Bicher aus dem Prêt international kënne vum Lieser bis zu dräi Wochen ausgeléint ginn. D’Lafzäit kann net verlängert ginn an hänkt vun der jeeweileger Prêtsbibliothéik of. D’Dauer vum Prêt muss onbedéngt agehaale ginn, soss gëtt de Service vum Prêt international fir de Lieser blockéiert. Soubal d’Dokument ukomm ass, gëtt de Lieser per E-Mail informéiert. Bicher mussen am Guichet vum Prêt ofgeholl ginn. Artikele gi per E-Mail geschéckt oder per Post, wann aus Urheberrechtsgrënn den Artikel net am elektronesche Format iwwerdroe ka ginn.

Fraisen

De Service vum Prêt international ass net gratis. Fir all bestallten Dokument gi 5 € verrechent, mat Ausnam vun Wierker, déi an enger Bibliothéik outre-mer bestallt ginn an déi mat 25 € facturéiert ginn. Rechnunge ginn all 7 Deeg iwwer E-Mail verschéckt.

Soubal en d’Rechnung geschéckt kritt huet, kann de Lieser se per Iwwerweisung oder am Guichet begläichen. Gëtt d’Rechnung net bezuelt, gëtt d’Bibliothéikskaart gespart. Dës Kaart gëtt déblockéiert, soubal de Montant vun der Rechnung bezuelt ass.

De Lieser ass verantwortlech fir all Dokumenter, déi ausgeléint goufen, a kënnt fir all Schued op, dee verursaacht gouf, z.B. wann en Dokument beschiedegt oder verluer gaangen ass.

Wéi eng Dokumenter kënnen net bestallt ginn?

  • Dokumenter, déi an enger vun de Bibliothéike vum bibnet.lu-Reseau verfügbar sinn;
  • e ganze Volume vun enger Zäitschrëft;
  • rezent oder präiswert Bicher;
  • Wierker mat Praxiswëssen (Ënnerhalungsliteratur, Praxis- a Reesguiden) an déi net fir wëssenschaftlech Fuerschung benotzt ginn;
  • d'Original vu seelene / wäertvolle Bicher oder Dokumenter vu viru 1900;
  • Referenzwierker.

Wat musst Dir maachen?

Sicht am a-z.lu nom Dokument, dat Dir braucht. Wann dat Dokument net do ass, da kënnt Dir eng Bestellung iwwer den Online-Formulaire maachen. Kontrolléiert dofir, ob Dir Iech mat Ärer Liesernummer identifizéiert hutt, klickt uewen op d’Feld „Prêt international“, da geet eng nei Säit op, wou Dir de Formulaire ausfëlle kënnt. Ufroe si limitéiert op 20 Dokumenter pro Lieser pro Mount. Et ka bis zu e puer Wochen daueren, bis d'Dokumenter do sinn. D'Deadline hänkt vun de Prêtbibliothéiken of a kann net vun der BnL beaflosst ginn. 

Op a-z.lu sichen Iwwer a-z.lu bestellen

Zum letzten Mal aktualisiert am