Déi nei Innovatiouns­partnerschaft vum GovTech Lab leeft bis den 30. Januar! „Bot4Lib“

De GovTech Lab Lëtzebuerg huet seng nei Innovatiouns­partnerschaft „Bot4Lib“ gestart. Mat dësem Appel à solutions sicht de GovTech Lab no enger innovativer Léisung fir d’Au­tomati­séierung vun der Inventa­riséierung vum Liessall vun der National­bibliothéik Lëtzebuerg.

Den Ament gëtt d’Inventa­riséierung manuell realiséiert an erfuerdert vill Zäit an eng grouss Unzuel u Mat­aarbechter.

Déi proposéiert Léisung ëmfaasst en autonome Roboter, dee mat engem intelligente System fir d’Dokumenten­erkennung verbonnen ass. Dëse Roboter wäert sech an den ëffentleche Beräicher beweegen an all Dokument mathëllef vu Computer Vision identifizéieren. De Roboter wäert déi gesammelt Donnéeën un e Gestiouns­sytem weiderleeden, wat et dem Personal vun der BnL an engem leschte Schrëtt erméiglecht, eventuell Feeler ze korrigéieren.

Interesséiert Entreprisen, déi u „Bot4Lib“ deelhuele wëllen, sinn invitéiert den Appel à solutions um Portail des marchés publics ze consultéieren an hire Kandidaturs­dossier bis spéitstens den 30. Januar 2025 anzereechen.