De Cedom completéiert mat „De Litty 6“ eng exzeptionell didaktesch Sammlung

De Cedom (Centre d’études et de documentation musicales) vun der Nationalbibliothéik Lëtzebuerg huet elo just De Litty 6: Rock a Popmusek zu Lëtzebuerg verëffentlecht.

De Litty 6 ass eng richteg musikalesch Rees a behandelt d’Rock- a Popmusek zu Lëtzebuerg, hiren historesche Kontext an hir Entsteeung ausgoend vun de Virbiller vun der amerikanescher Rockmusek. D’Publikatioun begleet d’Héichpunkte vun dësem Genre, präsentéiert déi verschidde Stiler vun der elektronesch verstäerkter Musek an hieft déi Kënschtler ervir, déi d’Museksgeschicht vu Lëtzebuerg gepräägt hunn.

Dës nei Publikatioun completéiert d’Sammlung Les Carnets didactiques du Cedom a markéiert esou den Ofschloss vun enger Serie, déi duerch hir multidisziplinär Usätz erausstécht an d’Musek zu Lëtzebuerg vu Kabarett a Musekstheater iwwer klassesch Musek bis hin zu Jazz a Rock-Pop behandelt. Mat der Verëffentlechung vum Litty 6 erreecht d’Sammlung elo insgesamt aacht Bänn, déi jeeweils dorobber ausgeluecht sinn, Enseignanten a Schüler wäertvoll pedagogesch Materialien ze bidden.

E gratis Concert fir d’Virstellung vum Litty 6 fënnt de 19. Juni 2024 um 19 Auer an der BnL mat de Kënschtler Georges Urwald, Anna Felke, Andrea Galleti, Laurent Kohn, Nadja Prange, Apollo Munyanshongore a Benoit Martiny statt.

D’Verëffentlechung vum Litty 6 stellt net nëmmen den Ofschloss vun engem ambitiéise Projet duer, mee  weist op e Weideres d’Engagement vum Cedom fir seng Archivbestänn a Musekssammlungen pädagogesch opzewäerten.