De Lëtzebuerger Webarchiv kritt en neit Gesiicht Neie Look a nei Funktiounen

De Webarchivportal vun der Nationalbibliothéik Lëtzebuerg gouf nei ageriicht a bitt elo net nëmmen en aktualiséierten Interface, mee luet och méi séier a weist flott nei Funktiounen wéi verbessert Sich- a Filteroptiounen. Zousätzlech bitt de Portal sénge Benotzer elo vollen Zougang zu archivéierte Säite mat Paywallen.

Virdru waren d’Benotzer op fräi zougänglech Site limitéiert: dozou gehéieren archivéiert Versioune vun Internetsäite mam Domän „.lu“ esouwéi aner Online-Plattformen, déi vu Lëtzebuerger erstallt goufen. Verschidde Websäiten, besonnesch déi vun Presseagencen, verlaangen awer oft de Kaf vun engem Abonnement fir den Zougang zu bestëmmten Inhalter. Mam neie Portal kënnen d’Benotzer elo gratis op archivéiert Versioune vun dëse Websäiten zougräifen.

Am Kader vun hirer Missioun fir den digitale Patrimoine vum Land ze erhalen, konservéiert d’Nationalbibliothéik nieft verschidde gedréckte Publikatiounen och de Lëtzebuerger Web. Obwuel d’Archiv iwwert en Online Portal fräi zougänglech ass, kann et fir d’Auteursrechter ze respektéieren nëmmen am Bibliothéiksgebai consultéiert ginn.