Fir d’Umeldung bei der BnL musse folgend Informatiounen an Noweiser presentéiert ginn: Numm, Virnumm, Gebuertsdatum, Privatadress, E-Mail-Adress, Kopie vun engem Identitéitsdokument oder eng elektronesch Ënnerschrëft. D’BnL behält sech d’Recht vir, e Certificat vum Wunnuert an/oder e Certificat iwwer d’Immatrikulatioun bei enger Héichschoul, déi vum lëtzebuergesche Staat unerkannt ass, ze verlaangen.

Dës Informatiounen (d’„perséinlech Donnéeën“) sinn néideg, fir d’Umeldung ze validéieren an e perséinleche Lieserkont anzeriichten. Eng Kopie vun der Umeldungsfiche gëtt a Pabeierform an den Archive vun der BnL versuergt. Ouni Verlängerung ass d’Dauer vun der Umeldung fir d’BnL zwee Joer. 24 Méint, nodeems all d’Umeldunge fir d’Bibliothéike vum Reseau bibnet.lu ofgelaf sinn, ginn d’perséinlech Donnéeën automatesch geläscht. Den Ausléinhistorique gëtt an anonymiséierter Form fir d’Statistiken, déi d’Bibliothéik erstelle muss, versuergt. D’perséinlech Donnéeë ginn am „kollektive Lieserindex“ vum integréierte Gestiounssystem vum Reseau vun de lëtzebuergesche Bibliothéike bibnet.lu, deen d’Memberbibliothéike vum Reseau gemeinsam benotzen, gespäichert. D’Lëscht vun de Memberbibliothéike kann um Internetsite www.bibnet.lu consultéiert ginn.

De Benotzernumm an d’Passwuert gëlle fir all d’Bibliothéike vum Reseau bibnet.lu, bei deenen de Benotzer ugemellt ass oder sech umelle kann. D’perséinlech Donnéeë kënne vun enger begrenzter Zuel vun autoriséierten an entspriechend forméierte Persoune fir déi folgend Zwecker verschafft ginn.

D’perséinlech Donnéeë gi gesammelt a verschafft fir:

• d’Umeldung bei der BnL an d’Aktualiséierung vun den Donnéeë vum Lieserkont
• Reservatioune fir d’Ausléinen an d’Benotze vun Dokumenter an der BnL, d’Reproduktioun vun Dokumenter
• Bestellunge vun Dokumenter aus Bibliothéiken am Ausland
• de Benotzer wéinst Reservatiounen, Rappeller a Geldboussen ze kontaktéieren
• d’Benotze vun den IT-Tools, déi vun der BnL zur Verfügung gestallt ginn
• den Zougang zu den Online-Ressourcen, déi dem Benotzer vun der BnL zur Verfügung gestallt ginn, an hir Benotzung
• d’Erstelle vun anonymiséierte Statistiken, fir d’Servicer vun der BnL ze verbesseren
• d’Opdecke vu Bedruch a Mëssbrauch beim Benotze vun den digitale Ressourcen, déi dem Benotzer vun der BnL zur Verfügung gestallt ginn
• d’Traitéiere vun Ufroen duerch d’BnL, déi Renseignementer iwwer perséinlech Donnéeën, hir Rektifikatioun an de Widdersproch géint hiert Verschaffe gradewéi aner Rechter am Zesummenhang mat dësen Donnéeë betreffen
• d’Abonnement vum BnL-Newsletter, dee mathëllef vum Sous-traitant Mailjet, Paräis, geréiert gëtt.

Wann den Notzer op déi digital Ressourcen aus der digitaler Bibliothéik vun der BnL zougräift, ginn seng perséinlech Donnéeë vun der BnL traitéiert. D’BnL bedreift eng Infrastruktur fir d’Authentifizéierung an den Zougrëff op déi ugebueden digital Ressourcen.

Déi traitéiert Donnéeë sinn:

• E Sëtzungscookie mat enger eendeiteger Identifizéierung (gëtt no 120 Minutten Inaktivitéit geläscht), fir den Zougrëff op digital Ressourcë kënnen ze geréieren.
• En Zougrëffsprotokoll, deen d’IP-Adress vum Notzer an déi consultéiert Ressourcen enthält, fir Notzungsstatistiken ze erstellen. D’IP-Adress gëtt no 18 Méint anonymiséiert.
• E Benotzerprotokoll, deen de Benotzernumm an déi consultéiert Ressourcen enthält (gëtt 30 Deeg laang gehalen), fir eventuelle Mëssbrauch vun de Ressourcen ze identifizéieren (wéi z.B. dat systematescht oder automatiséiert Erofluede vun Donnéeën).

Hiweiser zu engem eventuellen Traitement vu perséinlechen Donnéeën duerch d’Editeure vun den digitale Ressourcë befannen sech an de jeeweilegen Dateschutzrichtlinne vum Ubidder.