An dësem Atelier entdeckt Dir, wéi Dir dat Bescht aus der ebooks.lu-Offer eraushuele kënnt, déi Iech Zougang zu Dausende vu E-Books a Lauschterbicher op Franséisch, Englesch an Däitsch gëtt. Eis Ekipp weist Iech, wéi Dir am Katalog navigéiert, inspiréierend Liesmaterial fannt a ganz einfach op all Ären Apparater Zougang dozou kritt.

Vergewëssert Iech wgl., datt Är Aschreiwung an der Nationalbibliothéik gülteg ass a kuckt, datt Dir Äre Benotzernumm an Äert Passwuert bei Hand hutt. Dir braucht eventuell och Zougang zu Ärer privater E-Mail-Adress – verséchert Iech also, datt Dir d’Adress an d’Passwuert kennt. Mir recommandéieren och, datt Dir Är Tablette oder Ären E-Reader matbréngt.

Dësen Atelier ass fir jiddwereen do, onofhängeg vun Ärem Virwëssen. An Ärem eegene Rhythmus a mat personaliséierter Ënnerstëtzung beäntwere mir Är Froen op Lëtzebuergesch, Franséisch, Däitsch an Englesch.