Nei Online-Offer
Gratis Testzougrëff op Yearbook of Muslims in Europe Bis den 10. Abrëll 2024
D’Nationalbibliothéik freet sech, hire Lieser bis zum 10. Abrëll 2024 een temporairen Testzougrëff op d’Datebank Yearbook of Muslims in Europe ubidden ze kënnen. Mir versichen andauernd eis digital Offer ze verbesseren. Dofir hu mir dës Testphase gestart, fir d’Besoine vun eisen Notzer ze ermëttelen a fir ze kucken, ob dës Datebanken déi Ufuerderungen erfëllen.
D’Yearbook of Muslims in Europe ass e wichtegt Hëllefsmëttel fir d’Verständnes vun den dynamesche muslimesche Gemeinschaften a ganz Europa. Et stëtzt sech op Fuerschungsresultater aus sechsavéierzeg europäesche Länner a bitt Abléck an aktuell Trends an Entwécklungen. Vun ëffentlechen Debaten bis hin zu juristeschen a politesche Verännerungen, déi d’muslimesch Bevëlkerung betreffen, bitt dës Datebank aktuell Analysen. Doriwwer eraus huet all Lännerrapport eng Annex mat engem statistesche Joresiwwerbléck, dee fir en einfachen Zougrëff op demographesch Donnéeën an enger praktescher Tabell duergestallt ass.
▪ D’Informatiounen an dësem Artikel sinn zum Zäitpunkt vu senger Publikatioun korrekt. Beuecht wannechgelift, datt sech eis digital Offer stänneg weiderentwéckelt. Dowéinst kënne verschidden Informatiounen, wéi z. B. d’Modalitéite fir den Zougrëff oder den Inhalt vun Datebanken, säitdeem geännert hunn oder net méi aktuell sinn.
Aktualiséiert