Literatur a Musek am Dialog Wëssenschaftlech Debatten an Austosch an der BnL

D’Nationalbibliothéik freet sech, den Erfolleg vun hirem Colloque iwwer d’Zesummenhäng tëscht der Literatur an der Musek am Lëtzebuerger Kulturberäich bekannt ze ginn. Den Evenement, dee vum 14. op de 15. Mäerz vun der Société luxembourgeoise de littérature générale et comparée organiséiert gouf, huet renomméiert Fuerscher zesummebruecht, fir d’Interaktiounen tëscht dësen zwee Konschtberäicher ze ënnersichen.

Theme waren ënnert anerem déi historesch Entwécklung vum Zesummespill vu Musek a Literatur, an och Analyse vu Wierker vu Lëtzebuerger Auteuren.

Den Evenement gouf den 13. Mäerz mat engem Concert am Conservatoire de la Ville de Luxembourg lancéiert, deen den Optakt fir opschlossräich Diskussiounen a Presentatiounen an de follgenden Deeg war. D’Fuerscher hunn eng Rei vun Theme presentéiert, wéi d’Roll vun der Musek an der Literatur vum éischte Weltkrich, den Afloss vun der Operette an der lëtzebuergescher Kultur an d’Integratioun vun der Musek an der zäitgenëssescher Romanliteratur.

An de Sëtzunge goufen och Themen, wéi Vollekslidder, vertounte Gedichter an d’Duerstellung vun der Adoleszenz duerch musekalesch Motiver ënnersicht. Doriwwer eraus hunn déi Interesséiert och un enger Féierung duerch den Centre d’études et de documentation musicales (Cedom) deelgeholl, duerch déi si e besseren Abléck an d’Beméiunge vun der Nationalbibliothéik fir d’Erhalen an d’Valoriséiere vum Lëtzebuerger Musekspatrimoine kritt hunn.