Kuckt eis Auswiel u präisgekréinte Romaner vum Joer Nei Selektioun am Espace découverte

Sidd Dir op der Sich no Inspiratioun? All Mount widmen sech eis Chargés de collections engem bestëmmten Thema unhand vun enger Auswiel un Dokumenter aus de Fonge vun der National­­bibliothéik. Entdeckt dëse Mount eis Selektioun u präisgekréinte Romaner aus dem Joer 2024!

Literatur reflektéiert d’Gesellschaft an ass eng wichteg Kraaft fir kulturellen an intellektuellen Austausch. Déi ausgewielte Wierker, déi mat renomméierte Präisser ausgezeechent goufen, iwwerzeege mat hirer Kreativitéit, hirer spannender Manéier z’erzielen a mat déifgrënnege Gedanken iwwert d’Mënschheet. Si ënnersträichen d’Aktualitéit an d’Diversitéit vun der moderner Literatur, mat Titelen op Däitsch, Franséisch an Englesch.

Dir fannt dës Selektioun am Espace découverte um Rez-de-chaussée vum Liessall. Wann Iech ee vun dësen Dokumenter interesséiert, kënnt Dir et einfach aus dem Regal huelen. Si kënnen alleguer op der Plaz consultéiert an/oder ausgeléint ginn. Vill Freed beim Liesen!