webarchive.lu

webarchive.lu

Nieft de gedréckten an digitale Publikatiounen ass d'Nationalbibliothéik och verantwortlech fir d'Archivéierung vum Lëtzebuerger Web. Op der Plattform webarchive.lu fannt Dir Informatiounen iwwert d‘Archivéierungscampagnen vun der BnL an Dir kënnt Iech déi verschidde Sammlunge vu Siten ukucken. Fir d’Auteursrechter ze respektéieren, kënnen déi archivéiert Websäiten nëmmen am Bibliothéiksgebai consultéiert ginn.

Wat gëtt archivéiert?

Grad ewéi d'Nationalbibliothéike vun anere Länner, konservéiert d'Nationalbibliothéik vu Lëtzebuerg all d‘Internetsäite mam Domän „.lu“ esouwéi aner Säiten déi vu Lëtzebuerger online gesat ginn.

Zu de spezielle Sammlungen, déi et op webarchive.lu ze entdecke ginn, zielen d'Gemengewalen (2017), d'Nationalwalen (2018) an d'Europawalen (2019), awer och d'Websäiten iwwer Festivaller, déi zu Lëtzebuerg organiséiert ginn oder d'Websäiten iwwer den Doud an d'Staatsbegriefnes vum Groussherzog Jean.

Dir hutt eng eege Säit, oder hutt Contenu zu engem Site bäigedroen? Dann deelt eis Är Webadress mat!

Op webarchive.lu goen E Site uginn

Iwwert de Webarchiv

Geméiss dem Règlement grand-ducal modifié du 6 novembre 2009 iwwert den Dépôt légal zugonschte vun der Nationalbibliothéik, sammelt d'Nationalbibliothéik all Zorte vu gedréckte Publikatiounen, souwéi all Dokumenter, déi zu Lëtzebuerg an digitaler Form publizéiert ginn.

Déi breet Crawls ginn an Zesummenaarbecht mat dem amerikaneschen Internet Archive duerchgefouert.

Méi Informatiounen iwwert wéi de Fonctionnement vum Webarchiv, d'Sammlungspolitik an eis thematesch Sammlunge fannt Dir op der Informatiounsplattform webarchive.lu.

Op d'Säit vum Internet Archive goen

Aktualiséiert